Propagandakraty
Es Gsprèuhch vom Chàschpi Cheuïzli mit em Xaver Pèrté.
Chàschpi: Jétz hànd s’ scho wider en Fouëssballtrèèner entlaa, Knall ouf Fall, deby isch dèè chouhm es paar Meunet lang aagstéllt ggsy. Waas hàt dànn daas fur en Sinn ?
Xaver: Daas isch ébe soo, de Trèèner isch defuur verantwortli, das syni Mannschaft gouët ygspillt isch, das ’s wussed, waas fur en Gàgner das s’ wië muësed békàmpfe, das s’ en maximaale–n Ysatz zàiged. Èr mouës de richtig Kampfgàischt hèrebringe. Wànn dànn dië Mannschaft àis oum ’s ander Maal verluurt, so hàt er versàit ound mouës er gaa.
Ch.Ch.: Aber ych ha–n imer ggmàint, im Sport gèèb’s àifach Syger ound Verluurer, daas gheuhri dezouë.
X.P.: Schoo. Aber bi–r Aastélig wèrded mit em Trèèner pstimti Voorgaabe verybaart. Dië mouë–n er halt erràiche. Wànn sych t’Sitouazjon dànn ànderet, wië me ’s offesichtli neud hàt cheune verouhsgséé, so wirt daas natuurli–ch em Trèèner chouhm zour Lascht gglàit. Also, wànn dië halb Mannschaft g’Grippe verwutscht.
Ch.Ch.: Dànn wuur doch ’s Spyl verschobe. Uberhawpt, so vo àim Taag ouf de–r ander, daa staat ja àine–n ouf de Straass.
X.P.: Jàà louëg, i de Wirtschaft isch es à soo. Wànn en Filiaallàiter de–r Oumsatz, t’Ràndite neud erràicht, wo–n em voorggèè wirt, so wirt er zrougg gstouëft oder versétzt.
Ch.Ch.: Daas isch doch kàs Argoumànt, das ander de glych Fèèler mached. Jéé nachdèm cha me feuïf maal de Filiaallàiter wàchsle, ound ’s pschuusst glych neuhd.
X.P.: Wéttbéwèrb isch halt erbarmigsloos. Louëg nou i t’U.S.A. Déét entlaat t’Hillory Clinton amig en Waalkampfhàlffer, will dèè si neud zour Prèsidànte–Kandidaatin cha mache.
Ch.Ch.: Wànn dië Wèrbig soo wichtig isch, so frèuhg i mi, fur waas t’Amèrikaaner neud grad so–n en Wèrbehàngscht wèèled. Schawspiler schyned àinewààg gouëti Schangsse z’haa, ound t’Italjèner hànd à scho Ggabaréttischte ggwèèlt.